Iqtisodiy Matematik Usullar Va Modellar

Bizga ma’lumki amaliyotda iqtisodni boshqarishning asosiy muammosi aholini tobora o‘sib borayotgan ehtiyojlarini to‘la-to‘kis qondirish uchun ijtimoiy ishlab chiqarishning samaradorligini oshirishdan iboratdir.
Biroq ishlab chiqarishni yuksak suratlar bilan o‘sishi, xo‘jalik ichki va tashqi aloqalarining murakkabligi uni boshqarish uchun zarur bo‘lgan iqtisodiy axborotlarni yilsayin, kundan-kunga yanada ko‘payishi muammosiga olib kelmoqda. Bu esa iqtisodiy imkoniyatlardan to‘la foydalanilgan holda ishlab chiqarish va xizmat ko‘rsatish uchun eng ratsional qarorlar qabul qilish muammosini tug‘dirmoqda.
Ana shu qiyinchiliklarni hal etish uchun fan va texnikaning yutuqlaridan, jumladan iqtisodiy matematik modellashtirish vositalari hamda usullaridan yanada oqilona foydalanish zarur. Hozirgi zamon iqtisodiy-matematik usullarini qo‘llanilishi axborotlarni juda tez va ko‘p variantlarda qayta ishlash, ularni miqdor jixatdan chuqur tahlil qilishga olib kelmoqda. Bu esa iqtisod fanini yuqori pag‘onalarga ko‘tarish va ishlab chiqarishni rivojlantirishning tayanch nuqtalaridan biri bo‘lib hisoblanadi.
Saqlab Olish