Mamlakatimizda bozor iqtisodiyoti hayotimizda tobora kengrok ko‘lam olayotgan sharoitda iqtisodchi ko‘p qirrali bilimga ega, chuqur mushohada va mulohaza asosida qarorlar qabul qilishga qodir, o‘z ishini puxta egallagan mutaxassis bo‘lishi shart. Ayniqsa, makroiqtisodiyot kabi o‘ta murakkab va nozik sohada band bo‘lgan amaliyotchilarga juda yukori talablar qo‘yiladi. Negaki, mavjud resurslardan maqbul darajada foydalanish hamda iqtisodiy o‘sishga zarur shart-sharoitlar yaratish uchun iqtisodchi, avvalo, makroiqtisodiy jarayonlar tahlilini, iqtisodiyotning o‘ziga xos xususiyatlarini yaxshi bilishi, iqtisodiy jihatdan turli xulosalar chiqarib, ularning to‘g‘ri va asosli ekanligini isbotlab bera olishi kerak. Bunday malakaga ega mutaxassislar tayyorlashda Makroiqtisodiyot fani muhim ahamiyat kasb etadi. Fanni o‘rganish makroiqtisodiy jarayonlarning ilmiy asoslarini hamda ilg‘or mamlakatlarda iqtisodiy-ijtimoiy jarayonlarni tartibga solish borasida to‘plangan boy tajribalarni o‘zlashtirish imkonini beradi.

Saqlab Olish